நகரும் நாற்காலியிலிருந்து நாடாள வேண்டுமா?

நகரும் நாற்காலியிலிருந்து நாடாள வேண்டுமா?





சில காலமாகவே தமிழக முதல்வர் நகரும் நாற்காலியின் துணையுடன்தான் நடமாடி வருகிறார். இப்படி கஷ்டப்பட்டு அவர் நடமாடுவதை பார்க்கும்போது என்னவோ மனசிற்கு கொஞ்சம் கஷ்டமாகவே உள்ளது.

ஒரு பழுத்த அரசியல் வாதியான முதல்வர், "பதவி என்றால் பசைபோட்டு" ஒட்டிக்கொள்ளக்கூடியவர். இந்தியாவின் தொங்கு பாராளுமன்றங்கள் மாநில அளவில் இருந்த இவர்களை, இந்திய அளவில் பதவிகளை பிடிக்க வழிவகை செய்து கொடுத்துவிட்டது. ஒரு சமயத்தில் தேசிய கட்சிகளை மிரட்டி கூட மந்திரி பதவிகளை பெற்று விடுகிறார்கள்.

அது எப்படியும் இருக்கட்டும். இந்த தள்ளாடும் வயதிலாவது தானே முன்வந்து, முதல்வர் பதவியை துறக்கலாமே! அப்படி துறந்தால், கழக கண்மணிகள் என்ன அன்பழகனையா முதல்வர் ஆக்குவார்கள்? உங்கள் வாரிசு ஸ்டாலின்தானே முதல்வர் ஆவார்! எப்படியும்

உங்களின் காலத்திற்குப்பின் ஸ்டாலின்தான் முதல்வர் ஆவார். அது தமிழகத்தின் தலைவிதியாககூட இருக்கலாம். அதை நீங்கள் இருக்கும்போதே, "இளைய தலைமுறைக்கு" (இளைய தளபதிக்கு) வழிவிடுகிறேன் என சொல்லி அவரை முதல்வராக அழகு பார்க்கலாமே. அதுதான் உங்களின் ஆசையாகக்கூட இருக்கலாம்.

என்ன? மதுரையின் மகாராஜா! அதுதாங்க! அழகிரி கோபப்படுவார் என, நீங்கள் நினைப்பது புரியுது. இருந்தாலும் அவர் பாராளுமன்றம் சென்று விட்டதால் அதைப்பற்றி கவலை படவேண்டாம். முடிந்தால் அவர் பிரதமராக வாய்ப்புண்டா? என பாருங்கள். தற்போது நீங்கள் ஸ்டாலினுக்கு வழிவிடுவது இளைய சமுதாயத்திற்கு நீங்கள் செய்யும் ஒரு பெரிய தியாகமாக இருக்கும்.

இப்படி கஷ்டப்பட்டு, நகரும் நாற்காலியிலிருந்து நாடாள வேண்டுமா?